Tentang Brebes

Pambuka

Kabupaten Brebes kuwe salah siji kabupaten nang Jawa Tengah sing enggone nang dhaerah pantura lan berbatesan langsung karo propinsi Jawa Kulon, kota Brebes kuwe ibukota kabupatene. Kota-kota gedhe liyane antarane: Losari, Tanjung, Ketanggungan, Larangan, Prupuk, Bumiayu, Salem lly. Luas wilayah Kabupaten kiye ± 166.117 hektar utawa 1.657,73 km², jumlah penduduk ± 1,5 juta jiwa, tingkat kepadatan penduduk ± 953,20 jiwa/km².

Geografis

Enggon geografis : 108° 41'37,7" - 109° 11'28,92" Bujur wetan karo 6° 44'56'5" - 7° 20'51,48" Lintang kidul.
Bates Wilayah : Sisi lor berbatesan karo laut Jawa, sisi kidul berbatesan karo Kabupaten Banyumas, sisi kulon berbatesan karo Kabupaten Cirebon (Jawa Kulon), sisi wetan karo Kabupaten Tegal lan Kota Tegal. Basa sing dituturna penduduk kabupaten kiye yakuwe basa Banyumasan logat/dialek Tegalan karo basa Sunda khususe sing ana ning kecamatan Bantarkawung, Salem karo Banjarharjo, basa Sundane mirip Basa Sundane wong Banten.

Pemerentahan

Jumlah kecamatan nang kabupaten Brebes ana 17 Kecamatan, 292 Desa karo 5 Kelurahan. Pola pembangunan Kabupaten Brebes dibagi dadi 3 Sub Wilayah Pembangunan (SWP):

• SWP Ia pusate nang Kota Brebes, kuwe ngeliputi
  
  • Kecamatan Brebes
  • Kecamatan Wanasari
  • Kecamatan Jatibarang
  • Kecamatan Songgom

• SWP Ib pusate nang Kota Tanjung, ngeliputi
  
  • Kecamatan Tanjung
  • Kecamatan Losari
  • Kecamatan Bulakamba

• SWP II pusate nang Kota Ketanggungan, ngeliputi
  
  • Kecamatan Ketanggungan
  • Kecamatan Banjarharjo
  • Kecamatan Larangan
  • Kecamatan Kersana

• SWP III pusate nang Kota Bumiayu, ngeliputi
  
  • Kecamatan Bumiayu
  • Kecamatan Tonjong
  • Kecamatan Sirampog
  • Kecamatan Paguyangan
  • Kecamatan Bantarkawung
  • Kecamatan Salem

6 Kecamatan sing digabung nang SWP III kiye rencanane arep didadekna kabupaten dhewek (Pemekaran Kabupaten Brebes). Rencanane jenenge kabupatene mengko kabupaten Bumiayu ibukotane nang kota Bumiayu. Basa sing dituturna nang wilayah Bumiayu kiye basa Banyumasan dialek Bumiayu.

Ekonomi & Sosial

Produk unggulan kabupaten Brebes kuwe: ndok asin, keramik hias, rebana, brambang karo pindang bandeng.
Khusus produk andalan sub sektor industri antarane: brambang goreng, soun, kapal rakyat, karo biting hio.